ولاد أصوووول .. علي الاصل دور
نورت والله ... ليك شوقة..!!
مش تبقي تعدي انت مابتجيش ليه؟؟ مش تبقي تيجي..!!!

مش عايزينها اخر مرة
ولازم تشترك .. ده احنا ماصدقنا ..
حلق عليه ياعم ((بخ)) ... ده طلع مجررررم ....!!!!!!!!!!!!

ولاد أصوووول .. علي الاصل دور

اغاني , اخبار فنانين , كمبيوتر , حب ورومانسية , كرة قدم , ترفيه
 
الرئيسيةالرئيسية  المجلةالمجلة  اليوميةاليومية  مكتبة الصورمكتبة الصور  س .و .جس .و .ج  بحـثبحـث  الأعضاءالأعضاء  المجموعاتالمجموعات  التسجيلالتسجيل  دخولدخول  

شاطر | 
 

 شويه نكت على السريييع

اذهب الى الأسفل 
كاتب الموضوعرسالة
spikyyyy
Admin
Admin


عدد المساهمات : 10
نقاط : 30
تاريخ التسجيل : 03/04/2011

مُساهمةموضوع: شويه نكت على السريييع   الإثنين 4 أبريل 2011 - 13:15

واحد حرامى والتانى ندل فالندل بيقول للحرامى علمنى السرقة فسرق


محفظة واحد وقالوا اهوة علمنى انت باة الندالة، راح جه مسكوا وقال حرامى



2 مساطيل ماشيين في الشارع واحد منهم كان عايز يشتري شقه فلقي

اعلان علي عمود نور مكتوب عليه شقه للبيع

راح اعد يخبط علي الاعلان فصاحبه قله محدش بيرد اظاهر مفيش

حد فوق راح قايله لا ياحمار النور منور




مرة 3 تلاميذ اتأخروا عن الحصة الاولى ، و لما وصلوا المدرسة قالتلهم انتوا كنتو فين؟
واحد بلدياتنا وقع من الدور العاشر .. جاله صداع

مره المدرس سأل الاطفال فى الفصل الى يفتكر نفسه غبى يقف ... بعد شويه وقف تلميذ ...فساله المدرس و ليه بقه يا سيدي بتفتكر نفسك غبي ..فرد عليه التلميذ اصلي محبيتش اشوفك واقف لواحداك يا أستاذ

واحد بلدياتي واقف قدامه خمس شياطين ليه ....؟؟؟ واحد يوسوسله و اربعه يفهموه

مرة أتنين صحاب راحوا للحلاق واحد حلق والتاني غويشه

واحد جدته عيانة و رافضه الاكل فسألها تاكلى مهلبية والا اجوزك.. قالت له لأ يابنى المهلبية ناشفة على سنانى

مرة واحد مسطول بيلعلب كورة اخد الكورة على صدرة طلعها من منخيرة

مسطول لابس جزمة ، فردة بيضة والتانية سوده .... قابله مسطول تاني وقاله: "ايه ياواد الجزمه الشيك دي. راح المسطول الاولاني حط رجل علي رجل وقاله: وشرفك إنت.. عندي جوز جزم تاني فى البيت شبهه بالظبت

جماعة مسطولين ... فجت كبسه... كل واحد اسـتخبه في شوال جه الظابط ضرب الشوال الاول برجله خرج واحد منهم و اعد يكاكي وعمل نفسه فرخه ضرب التاني خرج واعد يدن وعمل نفسه ديك ضرب التالت مخرجش ضربه تاني مخرجش ضربه جامد المره دي خرج وقال له شوال بطاطس بطاااااااطس انت مابتفهمش

فيل على علاقة بنمله قرر فجأه ينهى العلاقه فقالت النمله وهى تترجاه ارحمنى و ارحم الفيل إلى فى بطنى

مرة كلب فقد الذاكرة ماشى فى الشارع بيقول صوصو...لا نونو.....لا .....

مرة دكتور تحليل امة ماتت قال تحاليلي ياما

واحد بلدياتنا اشتري راديو حط فيه حجرين المذيع اتسطل

بلدياتنا الصغير بيسأل أبوه : ليه يابا ربنا خلج لنا الودان فرد الأب : علشان نعرف العمة بتاعتنا ها تجف لحد فين

مرة واحد لبّان ابنه دخل المدرسة... قعد اسبوعين وقطع

واحد مسطول بيسأل مراته هو لما بنفتح باب الحمام النور بينور قالت له لا قالها يبقى أنا عملتها فى الثلاجة0

مرة ولد سأل ابوه هل الحب اعمي يا بابا قاله بص في وش امك و انت تعرف

مره واحد بخيل اوى بعت ابنه يشترى له بعشره صاغ جبنه .....راح الواد ورجع بعد شويه وقاله بابا البقال بيقولك تعال الحس السكينه

بخيل صحى من النوم قال لمراته أنا حلمت إنى اشتريت للأولاد 3 كيلو موز و2 كيلو تفاح قالت له يا راجل ليه التبذير ده قال لها اسكتى خلى العيال تاكل

فرخة استحمت بهد اند شولدر باضد بيضة من غير اشرة

مره واحد مسطول بييصطاد سمك بالحشيش طلعتله سمكه بتقول : انا تمساااااااااح

بلديات قال لصاحبه .. بالي مشغول من امبارح قاله يمكن حد رافع السماعه

مرة استاد سأل طالب في اي فصل يسقط المطر فال له في الفصل اللى مالهوش سقف

واحدة بخيلة بعتت ابنها يشترىتلاتة ارغفة لما جه قالتله رجع رغيف ابوك مات

+مرة واحد مدرس سأل واحد تلميذ أبوك اشترى من الفكهانى اتنين كيلو برتقال سعر الكيلو اتنين جنية يبقى ابوك دفع كام؟ فقالو التلميذ يبقى دفع اتنين جنية ياأستاذ فقالو الاستاذ بص يابنى انت ماتعرفش حساب فقالو التلميذ لا ياأإستاذ دا انت اللى ماتعرفش ابويا

فار محشش قال : كل القطط تحت جزمتى لقى وراه قط اسود قال الا ابو سمره حبيبى

مرة كان في ماتش بين فريقين حشرات في الشوط الاول في فريق انهزم واحد صفر و الشوط الثاني نزلت أم أربعه و اربعين دخلت 42 هدف بعد الماتش صحفي بيسأل المدرب اللي فاز :ليه مانزلتش أم أربعه و أربعين من أول الماتش ٌقاله:كانت بتربط الجزمة

واحد بلديتنا رجع بيته لقى مراته فى السرير مع أثنين .. صرخ وهاج مراتى بتخونى ... بسرع رد عليه شاب منهم احنا الكاميرا الخفية لو مش عايز تذيع قول ما تذيعشى ... رد بلديتنا لأ ذيع خللى الناس تنبسط

عملوا مسابقة لتعجيز الكمبيوتر كل ما حد يسأله سؤال يجاوب عليه فى اقل من دقيقة جه واحد بلدياتنا حط ورقة فيها السؤال بتاعه الكمبيوتر اتحرق وطلع دخان قالوا له : سؤالك كان ايه بلدياتنا : جلت له ابو جردان جبل ما يخلف جردان كان اسمه ايه؟

عشرة صعايدة بيتعلموا ربط الكرافتات تسعة ماتوا وواحد فى حالة حرجة

ست وبنتها ساكنين فى الدور الاخير .. فالبنت نزلت على السلالم ، وبعد كده السلالك كلها اتكسرت ، فتعمل ايه عشان تطلع تانى ؟؟؟؟؟؟؟ .......... على راى المثل اقلب القدره على فمها "تطلع" البنت لأمها

واحد مسطول بيسال صاحبه المسطول ايه اسماء اخوتك الشباب؟ قاله:كلهم محسن الا ادهم اسمه تامر

مرة اتنين مساطيل قاعدين فالاول بيقول للتاني هو النهاردة السبت ولا الاحد قام التاني قائل له لا الاتنين ....قام الاول قاله.... جايين مع بعض

مرة جاموسة جلها جفاف جابت لبن بودرة

مره واحد لبان أشترى عمارة (ملك) مراته راحت تلم القشطة من علي السطح

لية القرش بيخاف من الجنية....؟! علشان الجنية فية 100 قرش

مرة واحد بلدياتنا زار الهرم ,فقال يابوى كل دى حتت جبنه نستن

اتنين صيادلة قابلوا بعض الأول بيقول للتانى يامرهم فينك بنسلين ماشفنكش رد التانى قل له أهى تينيا

بخــيل وقع فى حفرة ، فتجمع عليه الناس علشان يساعدونه ... المهم انه في الآخر ما كانش راضي يطلع ، فجاهم واحد و سألهم ايه اللى بيحصل ؟ قالوله احنا قاعدين نقوله هات ايدك هات يدك وهو رافض، قال بسيطه ، راح عند البخيل وقال له خذ ايدي ................فطلع البخيل

مرة واحد كهربائى اجوز واحدة اسمها نجفة ، كل ما ييجى يبوسها يقف على لوح خشب

مره واحد بيحشش بيقول لصحبه امبارح جيت اسحب نفس قالوا لى ملكش رصيد

اتنين سكرانين ماشيين فى الشارع لقو عمود نور.. واحد قعد يخبط عليه فصاحبه قاله دة باين مافيش حد.. قاله إزاى ده النور منور

واحد بلدينا بيسال اخوه تعرف مبنى التجارة الدولى اللى فى نيويورك اتهدم ليه رد علية ليه قالوا اصله كان على ارض زراعية

السعودية إ تبرعت للصومال بشحنة أدويه ، فرجعتلها تانى ليه؟؟؟؟؟؟؟؟؟؟ ؟ لانها كلها بعد الاكل

مرة واحد فرعونى حب واحدة فرعونية قال لها: (آمون فيك

مرة اتنين مساطيل قاعدين في الاستاد واحد بيقول للتانى.. تلف الاستاد دة فى قد اية رد عليه .. في سجارتين

فى يوم الاستاذ كنتاكى ومراته نزلوا البحر و مبيعرفوش العوم ، ... كنتاكى "ماك" لكن مراته "ناجتس

سكران ماسك الفرخة بتاعته ..قاعد يضرب فيها يضرب فيها ويقولها: كل يوم بيض بيض مافيش جبنه

واحد سكران فتح التلاجه وبص للجلي ...وجده بيرتعش :قالوه متخفش هاخد عصير

مرة فار سكران على الاخر شافة قط جعان جرى وراة فعدت عربية بسرعة فرمت القط.. والفار اغم علية ولما فاق وشاف القط مفروم قال (يووة هو انا كل ما اسكر اعملى مصيبة

واحد بلدياتنا فى المصيف إتصور بمايوه و بعت صورته البلد بعتوله هدومه

واحد سأل صاحبه .. ايه السبب الرئيسى للطلاق ؟ قاله الزواج

مرة واحد ماذون مش لاقي شغل طلق مراتة

نجار مراته تغسل الغسيل وهو ينشره

واحدبلدياتنا سافر فرنسا بعت جواب لابوه بيقوله فرنسا حلوه يابويى فرنسا جميله قوى يا بويى ابوه بعتله جواب قاله اتجدعن وانا اجوزها لك

مرة واحد مسطول وقف تاكسي كان سواقه برده مسطول قاله تاخد كام وتوديني فين قاله هات اللي تجيبه وانزل هنا

واحد مسطول راح مطعم وقال لصاحب المطعم سندوتش طعمية من غير سلطة.. صاحب المطعم كمان مسطول قال له من غير سلطة ايه؟ قال له : من غير سلطة قوطة - صاحب المطعم : ماعنديش سلطة قوطة اعمله من غير سلطة طحينة؟؟؟

نذل اتصل على برنامج أغانى ، و طلب اغنية بابا فين ، و اهداها لكل أيتام العالم

هل تعرف من هو اوفي مخلوق؟ نملة مات زوجها الفيل وقعدت طول حياتها تدفن فيه

مرواحد كهربائى سخن ركبولو طرنس

قمة الهدوء انك تسمع شريط فاضى وقمة الرخامة انك تقلب الشريط وقمة التناحة انك تعيد حتة عجبتك

ليه بلدياتنا لما بيشتري بيت بيدلق لبن عليه؟؟؟؟؟؟؟ ؟ عشان يبقي بيت ملك

مره واحد مسطول ماشي مع حبيبته في نص الليل فاشفت ابوها فقالت يالهوي بابا بابا فقالها ماتخافيش قوليلوا اخوكي

مره واحد بلدياتنادخل حمام افرنجي اخد معاه مترجم

واحد بيقول لمراته تيجي نعمل جمعيه.اديكى كل يوم بوسه واديكى جنيه !قالتله ماشى. جه على اخر الشهر لقى معاها تسعين جنيه.قالها ايه ياوليه انا مشبديكى كل يوم بوسه وجنيه.قالتله ماتسكت مش ابو هيثم جارنا دخل بنفرين

أصلع مشكلته إنه مش عارف يعبر عن شعوره

واحد تاكسجى نايم مراتة دخلت علية بالليل وقفلت الباب بشويش..صحى قال لها افتحية واقفلية تانى!!!!

مره اثنين بلدياتنا راحوا امريكا فلقوا أتوبيس بدورين فقال الاول للثانى .. نركب فوق يا ولد فقال له الثانى يا غبى فوق ما فيش سواق

دكتورة اسنان راحة ترفع قضيه على جوزها فالقاضى قال لها نخلعه؟ قلتلوا لأ لخلخه الاول لما نشوف هيعمل ايه

محشش نائم جت امه تصحيه في الصباح قالت قوم يا ولدي الشمس طلعت قال دخليها وقفلي الباب

واحد لقى صاحبه بيجرى قاله بتجرى لية؟ قاله أصل مراتى بتتوحم على ترمس وأنا خايف للواد تطلعلوا ترمساية فى وشة.... فرد عليه متخفش ، مـأنا أمى كانت بتتوحم على أسطوانة وأبويا مجبهاش... جرالى حاجه.... ,جرالى حاجه......,جرالى حاجه

المريض: يا ترى يا دكتور أنا ممكن أعيش لحد ما يبقى عندي 100 سنة؟ الطبيب: أنت بتدخن أو بتشرب أو بتتعاطى؟ المريض: لأ أبداً، عمري ما دخنت سيجارة أو كأس ولا حتى شديت نفس من شيشة... الطبيب: بتلعب قمار؟ المريض: لأ، ولا حتى كوتشينة ولا دومينو ولا شطرنج .... الطبيب: بتسهر قدام التلفزيون أو الفيديو أو الدش؟ المريض: ولا بفتحهم من أساسه.... الطبيب: ولا بتسهر على القهوة؟ المريض: ولا عمري عتبتها برجلي... الطبيب: بترهق صحتك ونظرك بالقراءة كتير؟ المريض: بالعكس، أنا أطيق العمى ولا أطيقش الكتب... الطبيب: طيب بتقعد كتير قدام الكمبيوتر أو الأنترنت؟ المريض: كمبيوتر؟ أشوف إيه؟ .... الطبيب: طيب بتسافر على طرق خطر أو بتسوق كتير؟ المريض: أنا لا عندي عربية ولا بأسافر من أصله..... الطبيب: طيب بتلعب أي رياضة عنيفة أو مرهقة؟ >المريض: ولا عمري عتبت نادي، وما لعبتش حاجة من أيام ثانوي.... الطبيب: أمال عايز مية سنة تهبب فيهم إيه

واحد اتجوز واحدة اسمها نعمة باسها وش و دهر

الزوجه: لقد رأيت جارنا يقبل زوجته كل اليوم صباحا ، لماذا لاتفعل مثله ؟...الزوج: هل تعتقدين ان جارتنا سوف توافق

واحد ومراته متخانقين فبطلوا يكلموا بعض فكتب ورقة صحيني الساعه 6:30 علشان عندي شغل ، وحط الورق على السرير ونام صحي الساعة 10:00 فلقى ورقه مكتوب عليها الساعه 6:30 يلا إصحى

مرو واحد سماك ابنه مات قعد يعيط فى الجنازة بيقول كان صاحى وبيلعب

بلدياتنا نزل البحر و كان فية سحب جامد .... كسب تلاجة

اتنين حشاشين بيلعبو كورة واحد شاط و التاني اتحرق

اتنين بلدياتنا بيلعبوا شطرنج واحد اكل لواحد الفيل التاني قام سم له البهايم

نجار مسطول قاعد يصلح الترابيزه عشان ملخلخة قام مطلع العده بتاعته وكيس المسامير.مسك مسمار لسه جاى يثبته راح المسمار وقع.... قاله النجار اطلع احسنلك مطلعش ، قاله بقولك اطلع مطلعش قاله ماشى....راح ماسك كيس المسامير ورمى المسامير فى الارض و قالهم..... هاتوه

طفل اتولد و ظل 5 سنين لا يتكلم, اول كلمة قالها(خالي)بعدها بيوم خاله مات ومر اسبوع و اتكلم الولد مرة ثانية و قال اخويا بعدها بيوم اخوه مات ومر اسبوع آخر والولد قال بابا فكتب الاب وصيته بعدها بيوم جارهم مات

واحد مسطول بيقول لصاحبه مش عارف يأ أخي عود الكبريت ده ما بيولعش ليه مع إنه لسه مولع من شوية

مره واحد أحول بيعاكس وحده حوله بيقولها أحلى وحده فيكوا الليملشيه فى النص أدورت و قالتلوا والله انت شباب أوللات الأدب

مره واحد احول عنده ولد احول . الراجل بيشوف اى حاجه اربعه و ابنه بيشوف اى حاجه اتنين دخل الولد على ابوه الصالون و قاله :بابا اجيبلك شاى انت و عمى قاله الاب : لا ..و خد اخواتك و اطلع بره

اثنين مبسوطين قوى قاعدين يعملوا دماغ قدام المراية فواحد منهم قال للتاني شايف الاتنين اللي قاعدين قدمنا دول ؟ قالوا ايوة قالوا دول بيعملوا زيينا بالظبط ، فقام قاله طب ما تيجي نروح لهم...... وهما جايين يقوموا فواحد منهم قال للتاني استني..هما اللى جايين خلاص

واحد طويل قوى قوى .. أكل فول ، فالفول حمض قبل ما يوصل لبطنه

بلدياتنا فتحوا محل بيتزا .....سموه بيتزا هعععععععععععع

سباك راح فرح حلف ماحد ينقط

واحد بلدياتنا اشترى مكيف ولما جه يركبه فى الحيطه ركبه بالمشقلب وبعدين جه شغله قال أوففففففف أوفففف الله يكون فى عون اللى بره

تنين مساطيل قاعدين يحششوا ...فمرت جنازة فواحد بيقول للتاني هي جنازة مين دي يا مدحت؟ فرد علية دي جنازة عمّ محروس فقال الاولانى الله يرحمه ، وتاني يوم وهما قاعدين في نفس المكان مرت جنازة فنفس الشخص سال هي جنازة مين دي يا مدحت ؟ فرد عليه دي جنازة عمّ محروس فقال الله برحمه ، وتالت يوم وهما قاعدين في نفس المكان مرت جنازة فنفس الشخص سال هي جنازة مين دى ؟ قاله دي جنازة عمّ محروس فقاله: هي الدنيا ملطشة معاه كدة لية
+واحد محشش وقع من الدور الرابع لما اتلمو عليه الناس بيقولو له ايه في ايه ؟؟ قال لهم ولا اعرف اصلي لسا واصل

مرة إتنين حشاشين قاعدين يحششوا فى الترب ..طب عليهم البوليس.. فواحد منهم هرب و التانى راح إستخبى فى الترب..فشافه الظابط, فجاله يقولله انت بتعمل ايه هنا عندك..رد عليه الحشاش وقاله يا بيه هو الإنسان مخلوق من ايه؟ فقاله من تراب ..فرد عليه الحشاش..طب على النعمه انا لسه مخلوق دلوقتى


الأول قال أنا ضاع منى الخاتم بتاعى، الثانى قال وأنا كنت بدور معاه،

فسألت الثالث وأنت كنت فين؟ قلها كنت دايس عليه





واحد في الإمتحان مش عارف يحل والإمتحان كله صح و غلط ،

راح مطلع بريزه ولعب ملك وكتابة على اإمتحان خلص الإمتحان

في نص ساعة ،طلع البريزة تاني ليييييييييييييييييييييه؟؟؟؟؟؟؟؟؟

علشان يراجع هاهاهاهاها





واحد غبي معاه 150 جنيه. قاعد يقسمهم ويقول 50 جنيه للسكن

، 50 جنيه للأكل، و50 جنيه للبانجو. الباب خبط. مين. افتح بوليس.

راح مقطع الخمسين جنيه بتاعة البانجو





مره واحد غبي راح السنيما هو ومراته اول ما النور طفا قال لها جومى يا واليه شكلهم هيناموا




جماعه ارهابيين أغبياء حبوا يفرقعوا مدرسه حطوا القنبله فى الدور الاول واستخبوا فى الدور التانى





اربعة أغبياء عملوا عملية اختطاف فخطفوا فتاه واوقفوا تاكسى

فسائق التاكسى قال:التاكسى ده اربعه راكب بس قاموا

سابوا الفتاه وركبوا هم




اتنين محششين بيتفرجو على مطش فالمزيع بيقول "دربكه فى الدفاع،

دربكه فى خط الوسط، دربكه فى الهجوم، أوبااااا جوة الجون" فالمحشش

قال لزميله "إظاهر ان دربكه ده لعيب ميه ميه





مرة ثلاث مساطيل راكبين عربية ففجأة العربية وقفت فواحد قال للتانى

:"انزل شوف العربية مالها" فنزل مطلعش فنزل التانى يشوفه مطلعش

فنزل الثالث قال لهم :"فيه إيه ؟؟" فقالوا له :"هسسسسس العجلة نايمة




مرة واحد مسطول قابل واحد قاله الساعة كام قاله خمسة وخمسة

فرد عليه المسطول وقاله ما تعرفشى تقول عشرة وخلاص





مره اتنين طلبه مساطيل قاعدين يكتبوا ورا الاستاذ فى املحاضره وكل

ما الاستاذ يمسح السبوره يقطعوا الورقه!!!!




مرة اتنين مساطيل قاعدين ومعاهم مراية فواحد مسك المراية وبص فيها

وقال الشكل دة مش غريب عليا راح التانى مسكها وبص فيها وقاله

إيه يا عم انت مسطول ده انا



واحد زرع ورده............ ‏طلعتله ام كلثوم.

· مرة واحد راح يوكل محامى....... ‏لقاه صايم.



· كسلان دخل الامتحان وقع منه القلم .‏سلم الورقة.

· مرة واحد باع اللى وراه والى قدامه وا شترى اللى جنبه.

· بقرة جالها جفاف نزلت نيدو .

· ليه الخشب يتيم؟.......‏لأ نه مقطوع من شجرة.

· مرة 5 ‏دخلوا كلية الهندسة اثنين طلعوا مهندسين وثلاثة مدينة نصر.

· لية الصعيدي الصغير أذكي من الصعيدي الكبير؟...... لأنة مابقالوش كتيرصعيدي

· واحد بلديتنا كبر دماغه معرفش يخرجها من التيشرت.

· عربية كحيانة صاحبها سابها قدام بيت مهجور...‏ليه؟؟ ! ‏عاوزها تبقىعربية شبح

· مره واحد عداه العيب اخد الي بعده.

· واحد خلقه ضاق اداه لأخوه الصغير.

· دبانة وقعت فى ازازة وسكى طلعت تقول اوعى النسر.

· واحد مشغول اتجوز واحدة مشغولة خلفوا ولد مش فاضلهم.

· ‏مرة مدرس رياضيات خلف ولدين و استنتج التالت.

· واحدة اتجوزت واحد شخصيته مهزوزة . ‏ركبت له أريل.

· همبورجر وبيبسى و بطاطس بيجروا فى الشارع تفتكر ليه؟........ عشان وجبات سريعة








· مرة دكتور اسنان اشترى عود قصب لقاه مسوس حشاه.

· خبير ارصاد جويه ... ‏اتجوز وخلف بنتين الكبرى 27 ‏والصغرى 13

· صعيدي جزمته اتقطعت خيطهاوبعد أسبوع لقاها كويسه فك الخياطه



· محشش لقي كنز قال:كويس فاضل الخريطة !!

· ولد بيسأل أبوه:هي الحمير بتتجوز؟ قاله :يا بني مبيتجوزش أصلاً غير الحمير

· مين أكثر إنسان صابر في الدنيا؟؟؟ صعيدي ينتظر إليسا علي قناة إقرأ .

· واحدة سودة قوي ركبها عفريت حاولوا يطلعوه قالهم نفسي أطلع بس مش شايف

· واحدة بتقول لجوزها اطرد السواق كان حيموتني مرتين في حادثة قال لها

خلينا نديه فرصة ثالثة ...

· صعيدي قال لأبوه: رخصة السواجة خلصت يابوي قاله:من لفك في الشوارع طول النهار يابن الدزمة

· مسطول صدم شرطي وموته راح متصل بـ122 وقالهم:أحب أب لغكم إنكم بقيتوا 121

· صعيدي قال لأبوه أنا عاوز موبايل قاللوا موافق بس تركب أخواتك معاك .

· محشش بيسأل محشش التعلب بيولد ولا بيبيض قاله التعلب مكار توقع منه أي حاجة

· مرة واحد وقف تاكسي و قاله : ‏فاضي ياسطى ؟؟؟ قاله : ‏ايوه فاضي.. قاله: ‏طيب.. تعالى اقعد معايا عالقهوة شوية !!

· ‏مره واحد ابنه طلع من الأوائل .......... شفروه !

· ‏التلميذ : ‏بحبك يا أبله و عاوز أتجوزك.... ‏المدرسه: ‏بس أنا مبحبش > الأولاد الصغيرين التلميذ: ‏وأنا مش مستعجل على الأولاد

· ثلاثة مساطيل قاعدين في سهرة لأول : ‏أنا عندي فلوس أشتري بيها أمريكا الشمالية الثاني : ‏وأنا عندي فلوس أشتري بيها أمريكا الشمالية و الجنوبية الثالث : ‏و مين قالكم إني رح أبيع

· صعيدي ربح مليو ن خافوا يبلغوه يموت مصدوم .. قال العمده أنا أقوله.قال يا محمدين لو ربحت مليون حتعمل بيهم إيه؟ قال:أديك نصهم ... مات العمدة !

واحدةسمرة خلفت بعد عشر شهور يا ترى ليه.....
...تسعة منهم حمل وشهر تحميص


فيخناقة دموية بين اربع بنات::::
واحدة هندية - واحدة سودانية - واحدة خليجية -واحدة مصرية
اتفق الثلاثة وقتلوا الهندية ...
وجت الشرطة وقبضوا عليهم وحكمواعلى السودانية بتمشيط شعرها لمدة سنة
وحكموا على الخليجية انها تستحمى بالصابونلمدة سنة
واحتاروا في حكمهم ع المصرية قام طلع القاضي وحكم عليها انهم يربطوااديها ورجليها ويسيبوا الموبايل يرن جنبها


بنت شاطرة )قوي في الحساب الابلة سألتها علامة ايه دي يا امورة (=)
ردت بكل فخر دي (11) يا ابلة بس نايمة





اعلن اتحاد النساء العالم مقاطعة كلالواجبات المنزلية وبعد فترة اجتمعت النساء للمناقشة حول النتائج
المرأةالأمريكية قالت : بعد اول يوم ما شفتش حاجة تاني يوم ماشفتش حاجة تالت يوم لقيتجوزي بدء يعمل كل حاجة في البيت
المرأة الفرنسية قالت : بعد اول يوم ما شفتشحاجة تاني يوم ماشفتش حاجة تالت يوم لقيت جوزي بدء ينزل يشتري الحاجات منالماركت
المرأة الايطالية قالت : بعد اول يوم ما شفتش حاجة تاني يوم ماشفتش حاجةتالت يوم لقيت جوزي بدء يعمل الاكل ويغشل الصحون
لمرأة المصري قالت : بعد اوليوم ما شفتش حاجة تاني يوم ماشفتش حاجة تالت يوم ... يعني بدءت اشوف طشاش بعدالعلقة اللي اكلتها,,,,,




إذا أحبتك المرأة أعطتك الدنيا وإذا كرهتك أحرقت بك الدنيا.


المرأةإذا أحبت كانت ملاكا كريما … فإذا دبت الغيرة في قلبها تبدلت شيطانارجيما.

راجل عنده تلاته ولاده كبار ... الراجل كبر أوي وبيموت فطلب يشوف ولاده ... جابوهمله
قعدوا معاه لوحدهم
بدأ ينصحهم ...
أنا قبل ما أموت عاوز أقوللكم حاجة
يا ولاد أنا عاوزكم إيد واحدة
أوعوا تسيبوا بعض
نفسي أموت وأنا مطمئن عليكم
لو كل واحد بقى لوحده هايضيع
لو كل واحد فيكوا بقى لوحده هايبقى ضعيف جداً زي الخشبة دي ... وطلب من واحد فيهم يكسرها فضربها بإيد واحدة فانكسرت
قاللهم ... لكن لو خشبتين مع بعض يبقى كسرهم صعب شوية وطلب من نفس الولد يكسرهم فضربهم بإيد واحدة برضه كسرهم
قاللهم أما بقى لو بقوا تلات خشبات مع بعض فلا يمكن ينكسروا أبداً وطلب من نفس الولد يكسرهم فضربهم بإيد واحدة برضه كسرهم

سكت الراجل شوية .... وبصلهم وقاللهم طول ما معاكم البغل ده هاموت وأنا مطمن عليكم



محشش شاف يابانى بيتكلم وهو قافل ودانه. سألة المحشش انت ليه قافل ودانك فرد اليابان عليه وقاله احنا من تطور الكنولوجيا بقينا نكلم بعض بالدورة الدموية واشارات العين .
وفجأءة قام المحشش ينتفض بكل اطرافة فسأله اليابانى مالك بتترعش ليه قاله لا ابدا انا بس باستقبل فاكس


مرة واحد مدرس عربي بيقول نكتة في حصة الأملاء .. فقال نكتة ومن أول السطر ...

واحد راح مطعم في فرنسا.كان عايز يطلب شوربه قال للجرسون(جارسوه عايز واحد شوربوه) فالجرسون قاله باردون؟ قال الراجل لا سوخنوه


ليه الفيل بيلبس شرابات خضرا؟
عشان خضرا لابسة شراباته


واحد عايز يطلع الدور السابع ومفيش اسانسير ولا سلم يعمل ايه ؟
يشرب سيفن أب

مرة واحد سايق عربيته وجه يلف الصينية ... الشاي اتكب ..

ممثلة جالها دور برد رفضته

مرة واحد باكستاني خلف ولد سماه أيه ؟
باكستالت
طيب باكستالت خلف ولد سماه ايه ؟
لأ .. مش باكس رابع .. سماه باكس أول علي اسم جده...



مرة واحد صعيدى ركب دماغة داس 3 عيال


مرة واحد عام على وش الميه خبط في مناخيرها


قول واعترف بالحقيقه وسرك في بئيــر

مره واحد محمل فراخ وهوه معدي علي كمين سالوه الظابط محمل ايه قالو فراخ يابيه قالو بتاكلهم ايه رد عليه السواق باكلهم علف ودره ام الظابط لا الفراخ مايكلوش علف و دره دول بيكلو لانشون وبسطرمه وراح عملو مخالفه ع السواق بعد مامشي جه ع الكمين التاني فالظابط بيسالو محمل ايه قالو فراخ يا باشا قالو بتاكلهم ايه قالو لانشون و بسطرمه قالو ازاي الفراخ بتاكل دره وعلف مش لانشون وبسطرمه وراح عملو مخا لفه وبعد السواق مامشي وجه ع الكمين التالت فالظابط بيسالو محمل ايه يا اسطي قالو فراخ يا باشا قالو بتاكلهم ايه
قاله بص يا باشا انا بدي كل فرخه نص جنيه وهيه تاكل اللي علي مزجها

مسطول قاعد مع وزير .. الوزير قال نكته ..

المسطول ضحك وقال : يقطع معالي سمو شيطانكم ...!


واحد مسطول راح معمل التحاليل وقال لهم :
إنتو إزاي بتحللوا البول و بتحرموا البيرة؟

مدرس يسأل الطلاب: حيوان بيزحف ببطء شديد

أجاب محمد وقال : السلحفاة

قال المدرس: برافو يا محمد أبوك بيشتغل ايه؟

قال محمد: بابا دكتور

قال المدرس: شفتوا أولاد الدكاترة إزاي أذكياء

سأل المدرس سؤال ثاني: ماهو الطائر الذي يتكلم؟

فرد احمد: الببغاء

فقال المدرس: برافو يا احمد أبوك بيشتغل فين؟

قال احمد: بابا مهندس

قال المدرس : شفتوا أولاد المهندسين ازاي أذكياء



وبعدين سأل المدرس : ماهو الطائر الذي يبدأ بحرف الــ تاء ؟؟

فأجاب أحد الطلاب : تمســـاح

قال له المدرس: أوقف ياغبي أبوك بيشتغل فين ؟؟

قال الطالب : أبويا بيشتغل في المخابرات !!

قال المدرس : أحسنت!!! .. التمساح اذا شد حيله ممكن يطير... برافوعليك

اثنين من الحشاشين خطر ببال الأول يقول حكمة
فقال:قلي من تعاشرأقل لك من انت
فقال الثاني:من تعاشر
رد الاول:من انت؟
-----------------------------------------------------------------------------
واحد حشاش سأل شيخ : قال له صحيح الصلاة ماتنفعش من غير وضوء ،
الشيخ قال له طبعاً ما تنفعش ..
قام قال له الحشاش : وإيه رأيك بقي اللي جربها وظبطت!!


الموساد قرر أنه يشغل جاسوس صعيدى عنده بعد طول بحث أستقروا على هريدى
راحوا لهريدى و أخدوه تل أبيب و قعدوا يدربوه 6 شهور و بعدها قالو ليه أنه
كدة جاهز للمهمة بتاعته
هريدى : يعنى حارجع مصر
مدرب الموساد : أيوة .. تروح و تنفذ كل التعليمات اللى قلنالك عليها
هريدى : طب ازاى حاتصل بيكم
مدرب الموساد : لا لا .. انت ماتتصلش .. احنا لما نحب نتصل بيك حانبعتلك مندوب
يقوللك ازايك و ازاى امك .. تعرف أنه تبعنا .. ماشى يا هريدى
هريدى : تحت أمرك يا فندم
و بالفعل رجع هريدى مصر .. و بعد شهرين أحس الموساد انه لازم يتصل بهريدى ..
فراحوا باعتينله مندوب
المندوب لبواب العمارة بتاعت هريدى : هو هريدى ساكن فى أنهى شقة
البواب : أنهى هريدى يا بيه .. العمارة فيها 4 هريدى
المندوب خاف لحسن العملية تنكشف : قولى شقة أى واحد فيهم
البواب : عندك واحد ساكن فى الدور الأول
طلع المندوب و خبط على الشقة اللى فى الدور الأول
المندوب : أنت هريدى .. ازايك و ازاى أمك
هريدى : أنت عايز هريدى الجاسوس .. هو ساكن فى الدور الرابع




واحد صعيدي حب يعمل رأفت الهجان اتمسك من أول حلقة


جماعه بلديتنا عاملين مظاهره ضد امريكا
لبسوا واحد منهم بدلة بوش
وولعوا فيه

واحد موظف.........راح للجزار قاله اللحمه بكام.......قاله الكيلو بخمسين جنيه .قال منك لله يا عبد العزيز ياللي مغلي كل حاجه علينا.

راح لبتاع الفراخ.وقاله بكام الفراخ ........قاله الكيلو بتلاتين جنيه..قال منك لله يا عبد العزيز ياللي مغلي الدنيا و العيشه علينا.


راح لبتاع السمك وقاله ...بكام السمك...........قاله الكيلو بأربعين جنيه....فال منك لله يا عبد العزيز ياللي مغلي العيشه علينا.

عسكري متابعه قبض عليه ...........قال للظابط .......تمام يا فندم قبضنا ع الراجل دا مش عارف اسم الريس.

واحد راح يرشح نفسه لرئاسه الجمهوريه.......
قالوله انت مجنون....
قال هو شرط يعني؟

واحد جاله ولد بعد سبع بنات سماه ...........بدري.


مسطول ماشي ف الشارع الدوريه وقفت و قالولوا اتفضل معانا .......قال لهم معلش البيت قريب.

واحد قتل حماته ..........سالوه ايه اسمك قالهم فاعل خير
البوليس عمل كبسه على شوية شمامين بينهم و لد صغير
فالظابط سأله و ياترى بقى الشمام الصغير اسمه ايه
رد الولدعليه كنتالوب

عالم بلدياتنا يقوم بتجربة هامة في كلية العلوم قسم الحيوان علي الضفادع جاب ضفدعة سليمة و قالي فطي فنطت الضفدعة بقوة
فقطع رجلها الامامية و قال لها فطي فنطت الضفدعة بقوة
فقطع رجلها الامامية الثانية و قال لها فطي فنطت الضفدعة بقوة اقل
فقطع رجلها الخلفية و قال لها فطي فنطت الضفدعة بصعوبة
فقطع رجلها الخلفية الثانية و قال لها فطي فلم تتحرك الضفدعة
فصرخ بصوت اعلي و قال لها فطي فلم تتحرك الضفدعة
هنا ارتسمت علي عالمنا ابتسامة الرضا و النصر وكتب نتيجة التجربة بكل ثقة :
بعد قطع الرجل الرابعة للضفدعة تفقد حاسة السمع



اكتشقت سيدة مصباح علاء الدين السحري ، فركته فطلع الجن في التو واللحظة
الجن: شبيك لبيك عبد..........
السيدة : سيبك من الكلام ده حافظاه عاوزاك تحققلي التلات اماني بسرعة
الجن : ماشي كلامك بس علي شرط
السيدة : خير الله ام اجعله خير
الجن : كل امنية هتطلبيها لنفسك جوزك هياخد زيها عشر اضعاف
السيدة : يا راجل خضيتني موافقة ، اول امنية عاوزة ابقي اجمل ست في العالم
الجن : حاضر بس خلي بالك ، جوزك كمان هيبقي اجمل راجل في العالم و الستتات هتجري وراه
السيدة : وايه يعني مهو مش هيلاقي اجمل مني ، نفذ و انت ساكت
الجن : اوك ، جلا جلا ... وفي ثواني بقت اجمل ست في العالم
السيدة : الطلب التاني عاوزة ابقي اغني ست في العالم
الجن : خدي بالك جوزك برضة هبقي اغني راجل في اعالم واغني منك عشر مرات
السيدة : انت بتتكلم كتير ليه ، ما انا عاوزة كده ، هو فيه فرق بين فلوسي و فلوس جوزي ؟
الجن : حاضر ، جلا جلا ... وفي ثواني بقوا اغني اتنين في العالم
السيدة : الطلب التالت ، انا هروح دلوقتي المستشفي ، اول ما اوصل عاوزة تجيلي ازمة قلبية خفيفة



قال المعلم للتلاميذ : انتم امال الغد انتم مصابيح المستقبل فنظر احد الطلاب الى زميلة فوجده مستغرقاً بالنوم فقال للاستاذ : لقد احترق المصباح الذي بجانبي يا استاذ

تقدمت ممرضة لامتحان في الاسعافات الاولية فسألتها المشرفة ماذا تفعلين اذا ابتلع شقيقك مفتاح الباب ؟
فقالت الممرضة : اخرج من الشباك

واحد جالة مرض خطير قال لأبنه : اذا متت قول للناس انى كان عندي ايدز علشان امك محد ش يتجوزها

بلدينا جت له طوبه في صدره ...بص وراه.

فران خالي شغل ..قعد يقرص عياله.

بلدينا رايح حفله تنكريه ..قطع دراعه.


واحد جاب عربيه جديده وهو بيتمشي بيها قابل راجل واقف جنب عربيته و قاله.........ممكن ميه سخنه من غلايه عريبيتك؟
قاله معنديش غلايه في عربيتي........قاله ..معقول عربيه جديدة زي دي مش فيها غلايه؟
تاني يوم....قابل نفس الراجل ..الراجل سأله...ممكن تقدملي شريط الفيديو دا في في عربيتك؟.......قاله....معنديش فيديو في العربيه؟
قاله معقول عربيه جديده كده و مش فيها فيديو؟
الراجل اتغاظ و راح ركب الحاجات دي في العربيه و مشي من نفس الطريق عشان يقابل الراجل؟
شاف عربيته و هو مش واقف جنبها؟..خبط ع الزجاج..الراجل طلعله وقاله عايز ايه؟........قاله غلايه عربيتي متعطله ممكن استخدم بتاعتك؟
رد عليه وقاله.........بقي مطلعني من البسين عشان تقولي كده

جماعة صعايدة حبوا يعملوا فرقعه اعلامية
عملوا مؤتمر صحفي واعلنوا انهم هيطلعوا الشمس
واثناء لقاء الصحفي مع كبيرهم قاله ايه سبب تفكير حضرتك فى طلوع الشمس قال زى ما امريكا طلعت القمر واحنا ماعنجلدهاش
الصحفي قالة بس حضرتك الشمس حر قوى قاله ماحنا هنطلعها بالليل

واحد مسطول دخل الشقة لقي امة النار مولعه فيها قالها منورة يا حاجة

واحد مسطول بيسال صحبة انا عيني حمرا ومش عارف امشي قاله استنى لما تخضر وامشي

واحد صعيدي طلع عليه الفجر قتله

مسطول يسـأل صديقه
هـا ... اخبار الـوالد ؟
وفجـأة تذكـر أن أبـو صاحبـه مـتوفي
فكمـل " لسه ف نفـس المقـبره؟ "

**********************
مسطول اتخانق مع امه جاب لها 10لتر حليب وقالها :
ده كل الي بيني وبينك

واحد من الحكام بيسأل النائب بتاعه .. ياترى هو فيه في الجنة صالات بلياردو .. قاله مش عارف يا ريس أنا حنام الليلة وان شاء الله حشوف في المنام واقولك .. تاني يوم الحاكم سأله .. هه حلمت بإيه .. قاله يا ريس فيه خبر حلو وخبر وحش .. اما الخبر الحلو ان فيه صالات بلياردو كتير واخر موديل .. قال له والخبر الوحش ..قاله عرفت ان عندك ماتش الأسبوع الجاي

واحد بلدياتنا سمع أغنية مدحت صالح ( أنا عايز اعيش في كوكب تاني ) عجبته الفكرة واخد تاكسي وقاله وديني يا أسطا علي القمر .. سواق التاكسي بص له واستغرب وقاله طب 500 جنيه اجره .. قاله ماشي .. قعد السواق يلف بيه طول اليوم والآخر وداه الصحرا وقاله اهو احنا في القمر .. بص صاحبنا لقي واحد قاعد وحاطط ايده علي راسه وتعبان .. قال له كيفك يا خال .. قاله حران من الشمس .. قاله وانا هريدي من الأرض ..

مرة واحد متجوز 3 ستات قال للأولي اعملي لي كباية شاي علشان حدخل استريح عملت له عصير قالها مش قلت لك شاي قالت له وانت مالك انا اللي بعمل.. راح لمراته الثانية قالها اعملي لي مكرونة علشان اكل وادخل استريح .. راحت عملت له رز قالها مش قلتلك مكرونة .. قالتله وانت مالك أنا اللي بطبخ .. راح لمراته الثالثة .. قالها وضبي لي أوده النوم علشان ادخل استريح .. راحت موضبة اودة الصالون .. قالها مش قلت لك اودة النوم قالتله وانت مالك انا اللي بوضب ..
قام راح لمراته الرابعة ..
طبعا حتقولوا هو متجوز 3 بس ..
حقولكم وانتوا مالكو ..انا اللي بحكي

بخيل واقف فى البلكونة ابنه جاى من بعيد يقول له بابا بابا بابا بابا بابا قاله يا ابن الكلب بابه واحده كفاية


مرة اتنين صعايدة كانوا قاعدين يحششوا عند الهرم واحد منهم قال للتانى تتصور ياعوضين ان الفراعنة قعدوا يبنوا
في الهرم دة 5000 سنة قالة لية قالة عشان كانوا كل مايرصوا حجرين تيجى الحكومة تشلهم

مرة واحد صعيدى بيقول لصاحبة شايف الصاروخ اللى طاير دة يساوى كام قالة كام قالو اربعة مليون دولار قالو ياة يابخت
اللى يقع فى بيته


مرة واحد رخم قوى وندل شويتين خصموا من مرتبة 50 جنية تبرع لفلسطين اتبرع بباقى الراتب لاسرائيل
واحد صعيدى لقى مصباح علاء الدين فضل يحك فيه لغاية ماالعفريت جاله تسلخات


مسطوووول سألوه ايه أقدم حيوان ؟
قالهم الحمار الوحشي
سألوه ليه؟!
قالهم لانه ابيض واسود

واحد يروح للمطاعم وياكل وعند الحساب يدخل صرصار في الاكل فيسامحونة من الحساب ففية يوم راح للمطعم واخذ صرصار معه في جيبه فطلب عشاء واكل حتى شبع وبعدها هرب الصرصار من جيبه واجا العامل طلب الحساب فوضع يده في جيبه فلم يجد الصرصار فاتصل على زميله قال الحقني انا تعشيت وما معيش فلوس والصرصار ضاع من جيبي فاعطيني فلوس فقال له انا ما معيش الا نملة قاعد اشرب بها شاي


واحد صعيدي سافر الى استراليا دخل كافيه شاف الشيشا عانقها وصار يبكي ويقول غربوك ذي ما غربوني

واحد صعيدي كان راكب اتوبيس دورين فسأل زميلة اللى فى الدور الاول
انتو ماشين على سرعة كام قالة 120 ,التانى ساله وانتم قالوا لا احنا لسه السواق بتاعنا مجاش




مرة واحد متجوز عنده دولاب قافلة 20 سنة والمفتاح معاه هوه بس
مراته هتجنن وتعرف فيه ايه
يوم راح الشغل ونسي المفتاح. مراته فتحت الدولاب لقت 20 الف جنيه وبيضتين.
لما رجع سالته ايه حكاية البيضتين قالها بصراحه كنت كل ماخونك أحط بيضة في الدولاب
الست قالت عشرين سنه جواز ومرتين بس مش مهم وسالته طب والعشرين الف جنيه
قالها كنت كل ماجمع كرتونه ابيعها
من وحي الافلام
واحد ندل ابوه طرده من البيت وهو طالع كتب على السور ، مقر حركة طالبان
( اللمبي )
مره واحد مسطول اوى راجع بيتهم الساعه اتنين بليل فاخته فتحت له الباب قام ضربها بالقلم على وشها طاخ وقالها كنتى فين لحد دلوقتى ؟ (احمد حلمي )

مره ابو العربى راح اليابان وهوه قاعد مع صاحبه اليابانى يوكهاما لقاه بيطلع ايده من جيبه وقاعد يتصل من ايده ابو العربى قاله بتعمل ايه؟!!! قاله بتصل بواحد صاحبى ابو العربى قاله من ايدك قاله ايوه احنا عندنا فى اليابان الواحد بيتولد وايده فيها موبايل ابو العربى قاله ماشى شويه ايابانى لقى ابو العربى بيكتب ورقه وبيبلعها اليابانى قال لـ ابو العربى بتعمل ابه اا ابو العربى رد وقاله ببعت فاكس .. (هاني رمزي )

مرة واحد بتاع سمك ابنه مات فماشى فى الجنازة يقول :ده كان صاحى وبيلعب

واحد صعيدي جالة جواب مكتوب علية من برا ص ب 43 فاحتار وفكر كتير معرفش يعنى ايه ص ب 43
فراح لواحد متعلم عندهم فى النجع وقاله هريدي خد فكلى اللغر دا فرد هريدي وقاله يا حسنين بيقولك صندل بلاستيك مقاص 43

مره واحدة عجوزة عندها 80 سنه لقت مصباح علاء الدين طلع لها الجنى طلبت منه تصغر 30 سنه بقى عندها 50 سنه وطلبت منه يصغرها 20 سنه بقى عندها 30 سنه طلبت منه يصغرها 10 سنين بقى عندها 20سنه طلبت منه يصغرها 10 سنين ـ جلها الحصبه ماتت

واحد بيقول لصاحبه مش الجوازه بتاعت البنت فشلت قاله ليه ؟ قاله العريس عايز يضحك علينا قال انا حاجيب
الشقه والعفش وكل حاجه تلزم البيت قلنا كويس واحنا علينا ايه
قال كل يوم تجيبولي العيش


فيه قرد راح اشتكي للأسد وهو بيعيط وقال له النمر كل ما يشوفني يضربني ويقول لي مش لابس الطاقية ليه ؟
قام الأسد بعث للنمر وقال له مش عاوز قلق في الغابة بتضرب القرد ليه ؟ قال له شكله بيستفزني قال له ماشي اضربه بس بسبب يعني اتلككله قاله ازاي قاله يعني مثلا قل له اجر هاتلي برتقاله لو جابها حمرا اضربه وقل له ما جبتهاش خضرا ليه واذا جابها خضرا اضربه وقل له ما جبتهاش حمرا ليه كده يعني فالنمر قابل القرد وقال اجر هاتلي برتقاله قاله عاوزها حمرا ولا خضرا قام ضربه وقال له مش لابس الطاقية ليه ههههههههه

حاجة زرقاء طايرة في السما ... يا تري ايه ؟؟!
دبانة لابسة بنطلون جينز ازرق

- طب حاجة سوداء وفيها خط احمر وطايرة في السما من الشرق للغرب... يا تري ايه ؟؟!
دبانة لابسة فستان سواريه وحاطة روج ورايحة فرح واحدة صاحبتها

- طب حاجة سوداء وفيها خط احمر وطايرة في السما من الغرب للشرق... يا تري ايه ؟؟!
نفس الدبانة نسيت حاجة في البيت فرجعت تجيبها
- حاجة سوده ماشية في الصحراء ... يا تري ايه ؟؟
سرب نمل رايح يعزي

- نقطة سوده علي الحيطة... يا تري ايه ؟؟
دبانة

- طب نقطتين سود علي الحيطة... يا تري ايه ؟؟
فيشة

- طب 3 نقط سود علي الحيطة ... يا تري ايه ؟؟
دبانة و فيشة

- طب 54 نقطة سودة علي الحيطة... يا تري ايه ؟؟
يبقي الدهان بيقشر

- حاجة رفيعة و طويلة ولونها ابيض ... يا تري ليه ؟؟
فتلة بيضاء
- طب حاجة رفيعة و طويلة ولونها اسود ... يا تري ليه ؟؟
خيال الفتلة البيضاء


المكان حضانة
المس بتشرح للأطفال AB قامت طفله وقالت لها يا مث لو ثمحتي عندي ثؤال قالت لها اتفضلي يا حبيبتي الطفله قالت لو ثمحتي اللي في ثني أناممكن تخلف ؟ المس قالت لها بلاش الأسئلة دي اقعدي البنت قعدت شوية وقامت تاني يا مث معلس اللي ثني أناممكن تخلف
يا حبيبتي انت صغيره علي الأسئله دي اقعدي قعدت شوية وقامت ربنا يخليكي يا مث جاوبيني اللي في ثني انا ممكن تخلف
المس قالت لها لا طبعا يا حبيبتي علشان انتي لسه صغيرة
قام طفل مفعوص قاعد جنبها وقال لها مث قولتيليك ما تخافيث

مسطول سألوه تعرف بيتهوفن قال هوانا اعرف هوفن عشان اعرف بيته

مسطول صاحبه يتصل بيه مابيردش عليه فبعت له مسج انا ناسي تلفوني في البيت

ولد بيسأل امه ايه يعني ملاك ؟ قالت مخلوق من نور بيطير في السما قال الولد:سمعت بابا بيقول لسكرتيرته يا ملاكي بس ماطارت !
قالت الام: اليوم هتطير

مسطول جابوه للقاضي قاله: لو قلتلى 10 حاجات بتعملها من ساعة ما تصحى لغاية ما تنام وتكون تبدأ بحرف الألف حسيبك؟
قاله المسطول : اجيبها واحرقها وافرطها والفها و اولعها واعمرها وامخمخ انسطل اطفيها انام.

واحد بخيل راح يزور أمه فى المستشفى شاف على الباب مكتوب 'إدفع '
قال: خلاص ابقي ازورها لما تروح البيت.

مسطول سألوه ليه سمو قناة السويس بهذا الأسم؟؟؟
قال:لأن السفن تمشي بسويس بسويس

سكران يسال مسطول هى الهند بعيدة عن هنا
قالة ماعتقدش لان فى هندى معانا فى الشغل بيجى بعجلة


مرة ولد صغير كل مايروح للبقال يقوله "يا عمو يا عمو عندك جبنه بيضه" الراجل
يقوله "ايوة يا ابنى عندى" يقوله "طيب ادينى جبنه رومى" تانى يوم "يا عمو ياعمو عندك قلم رصاص يقوله ايوة يقوله طيب ادينى قلم جاف
لماالراجل زهق يا عينى و طلعت عينه فقرر يشتكى لابو الولد.
لما ابو الولد اجه حكىله الحكايه قام قال للبقال "لا لا ميصحش الكلام دة ابدا اسمع انت معاك عصايه
البقال قاله ايوة قاله
خلاص اضربه قلمين

واحد بيطلع فى الروح ومراته قاعدة جنبه
قال لها: تعرفى يا عيشة افتكرت حاجات غريبة
عيشة: خير يا فوزى
فوزى: طول عمرك جنبى و ما تخلتيش عنى...فاكرة لما ما كنتش لاقى شغل...كنتى جنبى....ولما كنت مديون لشوشتى...كنتى جنبى...ولما اترفدت من الشغل...برضه كنتى جنبى...وانا دلوقت بأموت و انتى لسه جنبى....
انتى باين عليكى ولية نحس

مرة واحد صعيدى راح محل عصير وقاله ممكن عصير برتقال لو سمحت ....قالة بشاليموه قالوا لاااااااا بتعملى صداع
مرة حمار قاعد فى سباق خيول ويتحسر على نفسه ويقول يا ريتنى كنت اخدت الثانوية

كتكوت ماشي ومعلق صورة اومليت على صدرة واحد ساله مين دا قاله اخويا الشهيد
فرحة وديك اتجوزوا وهما خارجين بالليل شافت فراخ بتتشوى غمضت عنيها وقالته ايه دا قالها جزات اللى مطيع جوزها

تيس سأل امه مااااااااء وبين باااااااااااااء قالت أمه امباااااااااااع





مرة اربع صاعيدة داخلين امتحان فاجلهم سؤال فى الامتحان وهو كامعددارجل المعزة فكلهم سألو صاحبهم حسنين وما كنش
بيردعليهم فالما خلص الامتحان قالولو انتا ما قولتيلناش لية قالهم المراقب كان جنبىومعرفتيش اطلع المعزة

مسطول يفسر معنى الليل لزوجته!!

شوفوا ال حصل مع المسطول..

وحده تسأل زوجها المسطول.. وقالت لهوهي تنظر للسماء ايه يعني لك الليل
قام بص ليها وقال:
الليل سكون والسكونراحه
والراحه اهم مايحرص عليه الانسان
والانسان سمي انسان لانهينسى
والنسيان نعمه وهبها الله لهذا الانسان الضعيف
والضعف عكسهالقوة
والقوة تتنوع وتتشكل ولكن اهمها قوة الاراده وقوة العزيمه
والعزيمهتختلف من شخص لآخر
فبعضنا يعزم على مفاطيح وبعضنا يعزم على سندويش جبن
والجبنمن اجود انواع النواشف ويستخرج الجبن من حليب العنز
والعنز = الماعز ولكن العنزمشتقه من عنزات جارتنا ام سليم
وام سليم من النساء
والنساء ناقصات عقل ودينويحبون شيئين هما ... السوق والمكياج
والمكياج نعمه وهبها الله بشكل غير مباشرلرجالنا
ليس في الصباح الباكر
لصحتكم نمنع الرؤيه والمشاهده لتلكالمناظر

والمشاهدة لتلك المناظر ستؤدي الى ازمات ونزلات معويه
وانكشاحاتعقليه وفكريه
وبمجرد التفكير ستتعرض لصدمه عاطفيه جافه
والجفاف في هذه الحاله...عاله على الرجل
والرجل هذا الكائن الحي الطيب الرحوم الجذاب
وجاذبيته فيقوة شخصيته
وشخصيته باليانكي او الكاب او الطاقيه او الطربوش كل
واحده تختلفبه ميوله
والميول عادةً ماتكون اهلاويه
والاهلي فاز على الزمالك اثنينواحد
والواحد بعد الصفر
والصفر درجه مؤيه يتجمد عندها الماء
والماء سرالحياة
والحياة بدونك ياسيدتي سراب
والسراب عكس الحقيقه
والحقيقه انكياسيدتي انتي الحقيقه .... بدون مكياج
واقنعه عاطفيه
والمكياج هنا بدون كريماساس وروج وكحل وديرم ... ولكن
مكياج العواطف هو تزوير العاطفه تجاهالرجل
والرجل يحب الصراحه كما المرأه
ولكنك ياسيدتي تحبين
المكياج في كلامورك ... لماذا ...؟؟؟
واللماذا عن الف يمين
واليمين عكسه اليسار
واليسارعكسه اليمين
واليمين درب الغانمين
والغانمين هما انا وانتي ..... والسنين ..




سكران ماسك الفرخة بتاعته ..قاعد يضربفيها
?ويقولها: كل يوم بيض بيض مافيش جبنه ولا مربى


مرهاستاذ تربيه فنيه حب يختبر التلاميذ

فقل لهم انا عايزكم ترسموا حمار غيبافاوقف تلميذ وقال طيب لو سمحت يا استاذ اخرج بره علاشان محدشيغش



مرة واحد ماشى فى الشارع فسال واحد بلديتنا

قاله ماتعرفشى سته اكتوبر فين فرد عليه بلديتنا وقاله

ماتعرفشىبالظبط بالظبط سنه كام


مرة واحد عجلاتى

قعد على قهوة طلب ( كاوتشينو)




واحدغبى فى الجيش القائد اداله اغلى قنبلة فى العالم وقال لهارميها على الاعداء من فوق الجبل اللى بينالجيشين ، قام الراجل طلععلى الجبل ، ولاول مرة فكر وقال القنبلة دى غالية قوى طب ما بلدنا اولى بيها ...

...ورماها على جيشه



راجل عنده تلاته ولاده كبار ... الراجل كبر أوي وبيموت فطلب يشوف ولاده ... جابوهمله
قعدوا معاه لوحدهم
بدأ ينصحهم ...
أنا قبل ما أموت عاوز أقوللكم حاجة
يا ولاد أنا عاوزكم إيد واحدة
أوعوا تسيبوا بعض
نفسي أموت وأنا مطمئن عليكم
لو كل واحد بقى لوحده هايضيع
لو كل واحد فيكوا بقى لوحده هايبقى ضعيف جداً زي الخشبة دي ... وطلب من واحد فيهم يكسرها فضربها بإيد واحدة فانكسرت
قاللهم ... لكن لو خشبتين مع بعض يبقى كسرهم صعب شوية وطلب من نفس الولد يكسرهم فضربهم بإيد واحدة برضه كسرهم
قاللهم أما بقى لو بقوا تلات خشبات مع بعض فلا يمكن ينكسروا أبداً وطلب من نفس الولد يكسرهم فضربهم بإيد واحدة برضه كسرهم

سكت الراجل شوية .... وبصلهم وقاللهم طول ما معاكم البغل ده هاموت وأنا مطمن عليكم

ما حدش يقوللي وحشة0

محشش شاف يابانى بيتكلم وهو قافل ودانه. سألة المحشش انت ليه قافل ودانك فرد اليابان عليه وقاله احنا من تطور الكنولوجيا بقينا نكلم بعض بالدورة الدموية واشارات العين .
وفجأءة قام المحشش ينتفض بكل اطرافة فسأله اليابانى مالك بتترعش ليه قاله لا ابدا انا بس باستقبل فاكس


مرة واحد مدرس عربي بيقول نكتة في حصة الأملاء .. فقال نكتة ومن أول السطر ...

واحد راح مطعم في فرنسا.كان عايز يطلب شوربه قال للجرسون(جارسوه عايز واحد شوربوه) فالجرسون قاله باردون؟ قال الراجل لا سوخنوه


ليه الفيل بيلبس شرابات خضرا؟
عشان خضرا لابسة شراباته


واحد عايز يطلع الدور السابع ومفيش اسانسير ولا سلم يعمل ايه ؟
يشرب سيفن أب

مرة واحد سايق عربيته وجه يلف الصينية ... الشاي اتكب ..

ممثلة جالها دور برد رفضته

مرة واحد باكستاني خلف ولد سماه أيه ؟
باكستالت
طيب باكستالت خلف ولد سماه ايه ؟
لأ .. مش باكس رابع .. سماه باكس أول علي اسم جده...



مرة واحد صعيدى ركب دماغة داس 3 عيال


مرة واحد عام على وش الميه خبط في مناخيرها
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
شويه نكت على السريييع
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
ولاد أصوووول .. علي الاصل دور :: منتديات الترفيه والمنوعات :: منتدي الضحك والفرفشة-
انتقل الى: