هو فيه كده

الاب كان مسافر ولما رجع لقى ابنه مستنيه فى المطار

الاب . ايه احوال البيت وانا مش موجود ؟ حصل حاجة وحشة ؟

الابن . كل حاجة مية مية ... متقلقش هو حصل حاجة بسيطة بس

الاب . ايه حصل ؟

الابن . عصاية المكنسة اتكسرت

الاب . بس كده ولا يهمك ... بس ايه كسرها ؟

الابن انت عارف ان البقرة لو وقعت على حاجة تكسرها

الاب . انت تقصد بقرتنا

الابن . ايوه

الاب . ايه اللى حصل

الابن . كانت بتهرب وهى خايفة فوقعت على عصاية المكنسة فكسرتها

الاب . المهم البقرة حصل لها حاجة ؟

الابن . لا مفيش حاجة ...... ماتت

الاب . يالهوى ماتت !‍‍‍.... وهى كانت بتجرى خايفة من ايه ؟

الابن . لا دى كانت بتهرب من الحريقة

الاب . حريقة!!!... حريقة ايه ؟

الابن . لا مفيش اصل بيتنا اتحرق

الاب . اتحرق يالهوى من ايه

الابن . اخويا الكبير الله يرحمه

الاب . ايه ..... اخوك مات اذااااى

الابن . ايوة مات ... كان بيشرب سجاير وقعت حرقت البيت وهو جواه

الاب . يالهوى اخوك بيشرب سجاير

الابن . هو كان بيشرب سجاير علشان ينسى حزنه

الاب . حزنه على ايه؟

الابن . على امى الله يرحمها
الاب . ايه ... امك ماتت

فراح الاب مات من غباء ابنه

الابن. بابا متعملش فى نفسك كده فداك الف مكنسة